Vor óskast

Frost og sól, originally uploaded by HO Myndir.

Við Bryndís fengum okkur göngu í frostinu í dag. Veðrið var rosalega fallegt, það vantaði ekki ....en ÍSKALT og það borgaði sig að halda til sólarmegin á gangstéttunum. Veðurkortin segja áfram frost næstu 10 dagana amk, en litla sól og það verður að segjast eins og er að mann er nú farið að langa í smá vor.

Útblástur

Útblástur, originally uploaded by HO Myndir.

Skuggar

Skuggar, originally uploaded by HO Myndir.

Jebb, það erum við gönguhrólfarnir

Nittelva

Nittelva, originally uploaded by HO Myndir.

Tekið í átt að Rælingen sem er einn af næstu bæjum við okkur.

Grýlukerti

Grýlukerti, originally uploaded by HO Myndir.

Þau eru út um allt núna

Í átt að lestarstöðinni

Í átt að lestarstöðinni, originally uploaded by HO Myndir.

Lilleström er einn af aðal viðkomustöðvum lestanna.

Bra bra

Bra bra, originally uploaded by HO Myndir.

Á sumrin eru þær bara nokkrar á ánni og halda sig sem fjærst frá manni. Á veturna verða þær sýnilegri og nánast sitja fyrir þeim sem fara um göngustíginn.

Míní

Míní, originally uploaded by HO Myndir.

Jæja, þá er vetrarfríinu lokið og ég verð að fara að bjarga mér aftur í eldhúsinu .... og rifja upp hvar pottarnir eru geymdir og hvernig uppþvottaburstinn á að snúa. Ég er nú samt bjartsýn á að þetta rifjist fljótlega upp. Svona eins og þegar maður er einu sinni búinn að læra að hjóla :-)

Bryndísi fannst eiginlega bara fínt að komast í skólann aftur, þrátt fyrir að hún sé núna farin að telja niður í páskafríið. Daman er annars búin að verja mestöllum vetrarfrístímanum utandyra í brekku-, snjóhúsa- og snjókarlagerð með Natalíu vinkonu sinni og m.a. var þessi míníkarl búinn til. Vinkonurnar eru búnar að vera með risasnjóhús úti við götuna sem þjónar sem sleðabrekka líka. Það er nefnilega búið að snjóa svo til daglega í vetrafríinu og sá sem sér um að moka fyrir blokkirnar (okkar og næstu) bætir alltaf í sömu hrúguna svo að bæði snjóhúsið og brekkan hafa stækkað dag frá degi.

Hótel Dætur

Ég er búin að vera í algjöru ofdekri í vetrarfríi stelpnanna. Ég geri ekki handtak nema að sinna mínum málum. Bíð bara eftir því að það sé kallað á mig í matinn. Og þetta er 5 stjörnu hótel, alls konar girnilegir grænmetisréttir, nýbökuð brauð og rundstykki .... og kökur :o) :o) :o)
Ég þarf ekki einu sinni að kaupa inn og bera pokana heim. Ég held ég gæti alveg vanist þessu. Vika í viðbót og ég verð orðin eins og ofdekraður Hollywood unglingur.

Ég er annars þessa dagana að setja inn efni á vefsíðu sem verður vinnutengd. Síðan verður á ensku, amk til að byrja með og ég er svona rétt að komast í gang. Ég er reyndar svolítið ryðguð í enskunni, en þetta er samt allt að koma. Svo stefni ég að því að bæta inn í íslenskri útgáfu seinna og mögulega norskri líka.

Nígeríusvindl ?

Þetta fékk ég í póstinum í dag. Mjög traustvekjandi og sannfærandi, ekki satt?

Hello,
I am contacting you as a result of my immediate need for a partner to cooperate with me on an inheritance issue involving the cash deposit left behind by our late client who incidentally died without reference to any next of kin.
I am writing to you so you and I will work together as partners to inherit the money and share it equally.
You have my word that we shall explore all available legal means to accomplish our aim.
I await to read from you as soon as possible.
With friendly greetings,
Dominic Jermano.Tel: +44 70457 63709.

Draumur

Draumur, originally uploaded by HO Myndir.

Ég tók mig til í dag og lét yfir 30 ára gamlan draum rætast. Ég keypti mér gönguskíði. Gönguskíði prófaði ég fyrst sem krakki með vinkonu minni og fékk skíðin þá lánuð hjá móður hennar. Í minni fjölskyldu var hins vegar ekki skíðahefð og í þá daga voru hlutir náttúrulega ekki keyptir án þess að tilefnið væri nokkuð stórt.
Þegar kom að auknum fjárráðum bloggarans, þá voru áherslurnar orðnar aðrar og skíði því ekki efst á forgangslistanum yfir nauðsynlegustu hluti í heimi. Fyrst var það föt og djamm, svo var það nám, síðan barnabasl með tilheyrandi útgjöldum, húsnæðiskaup, húsnæðisviðgerðir, viðgerðir og síðar endurnýjun á bíl, meira nám o.s.frv og frv. Amk aldrei rétti tíminn.

Í dag ákvað ég hins vegar að láta gamla drauminn minn rætast og í tilefni af því drifum við Kolbrún okkur út á gönguskíði í æðislegu veðri. Ég ákvað að taka myndavélina með í vasann og taka sjénsinn á því að hún yrði ekki fyrir hnjaski. Það tókst (ég passaði mig bara á að detta á hina hliðina :-)) og nokkrar af myndunum fá því að fara á bloggið.

Áskorun

Áskorun, originally uploaded by HO Myndir.

Það hefur verið smá púki í þeim sem ruddi brautina eftir síðustu snjókomu. Í stað þess að fara fram hjá hólnum eins og vanalega, þá fór hann beint yfir. Þetta er náttúrulega ekki nokkurt mál fyrir vant fólk, en fyrir okkur hin þá var þetta áskorun.

Hún komst léttilega upp

Hún komst léttilega upp, originally uploaded by HO Myndir.

Ég fór upp líka .... reyndar ekki alveg eins léttilega ....

Góðir saman

Góðir saman, originally uploaded by HO Myndir.

Hann var góður þessi. Á fljúgandi ferð með hundinn bundinn við sig.

Blátt

Blátt, originally uploaded by HO Myndir.

Akurinn

Akurinn, originally uploaded by HO Myndir.

Með Oksefjellet í baksýn

Óspillt

Óspillt, originally uploaded by HO Myndir.

Þessi var tekin á mánudaginn hjá Sörensgaard og þá var ekkert búið að troða þarna niður. Veðurstofan hérna spáir frosti áfram næstu vikurnar (22 gráður í dag) þannig að við getum búist við að snjórinn haldi sér.
Bloggmálin virðast loksins vera að komast í lag aftur og skv ráðleggingum frá Flickr mönnum, þá "dílítaði" ég bloggstillingunum og setti þær svo inn aftur. það virkaði og mánudagsmyndirnar því komnar á bloggið.

Skúlptúr

Skúlptúr, originally uploaded by HO Myndir.

Snjóþungi

Snjóþungi, originally uploaded by HO Myndir.

Í vetrarsól

Í vetrarsól, originally uploaded by HO Myndir.

Það er smá sól í kortunum næstu daga

Akurinn

Akurinn, originally uploaded by HO Myndir.

Þarna eru gönguskíðabrautirnar fyrir bæjarbúa. Það var reyndar ekki búið að gera nýjar brautir þegar þessi mynd var tekin.

Innpakkaður

Innpakkaður, originally uploaded by HO Myndir.

Þeir voru allir vel innpakkaðir í frostinu

Sveitastemning

Sveitastemning, originally uploaded by HO Myndir.

"Hin hliðin"

"Hin hliðin", originally uploaded by HO Myndir.

Þetta er bakhliðin sem snýr að ökrunum

Trén á Oksefjellet

Trén á Oksefjellet, originally uploaded by HO Myndir.

Þessi hlið á "fjallinu" snýr að bænum.

Göng

Göng, originally uploaded by HO Myndir.

Þessi var tekin á mánudeginum eftir snjókomu helgarinnar. þá var búið að ryðja gangstéttarnar en það hrundi hins vegar töluvert úr trjánum þannig að maður gat hvenær sem er búist við köldum snjó niður um hálsmálið.

Grýlukerti

Grýlukerti, originally uploaded by HO Myndir.

Borð og bekkir

Borð og bekkir, originally uploaded by HO Myndir.

Kannski maður bíði aðeins með nestið

Nittelva

Nittelva, originally uploaded by HO Myndir.

Svona leit Nittelva út í gær

Error

"Your blog posting failed. If your configuration details have changed, update them now"

Ég fæ alltaf þessa meldingu upp ef ég reyni að blogga af flickr í dag. Fékk hana líka í gær við sumar myndir en ekki allar. Skil ekki alveg hvað er í gangi.

Á leið í skólann

Á leið í skólann, originally uploaded by HO Myndir.

það er ekki oft sem það gefst tækifæri til að fara á gönguskíðunum í skólann, en svona lögðu vinkonurnar af stað kl 8 í morgunn í 15 gráðu frosti.

Mæðradagur

Það er norski mæðradagurinn í dag og ég var vakin upp með dekri í morgunn. Ilmandi kaffi, brauð, pakkar (æðisleg peysa og dvd) og gjafabréf upp á enn meira dekur heilan dag í vetrarfríinu. Bryndís tók að sér að útbúa þetta flotta kort og það var ekki annað hægt en að taka mynd af því. Ástarþakkir stelpur :0) :0) :0)

Gott færi

Gott færi, originally uploaded by HO Myndir.

Hún skellti sér á gönguskíði með Hrund og þarna var hún komin heim aftur.

Hvar er minn?

Hvar er minn?, originally uploaded by HO Myndir.

Nei, minn er ekki þarna. Minn er vel geymdur inn í bílskúr hjá mútter. En nágrannarnir fengu heldur betur að skafa, moka, spóla, ýta, festa, moka meira, festa enn meira o.s.frv.

Frost, frost, frost

Já, það breytist ekki mikið veðrið hérna í Lilleström. langtímaspáin í dag fyrir næstu 10 dagana er frost, frost, frost og aftur frost á bilinu 5 til 15 gráður. Eftir viku getum við reyndar búist við að sólin fari að láta sjá sig og svo á að snjóa meira um helgina. Það góða við frostið er reyndar að gönguskíðaleiðirnar halda sér alveg og sömuleiðis snjóhúsin hennar Bryndísar. Við eldra liðið á bænum værum samt alveg til í að þiggja smá hlýindi.

Moskva

Jæja, þá er það ákveðið. Kolbrún fer til Moskvu með rússneskuhópnum sínum 16. mars og verður í viku á heimili hjá rússneskri fjölskyldu. Rússneski hópurinn kemur hingað örlítið fyrr eða 6. mars en þar sem það er mun stærri hópur mun ekki nást að koma nema hluta af honum fyrir hjá fjölskyldum hér. Við sjáum til hvernig málin þróast og hvort við þurfum að troða einhverjum inn á 50 fermetrana okkar hér.

Afrakstur

Afrakstur, originally uploaded by HO Myndir.

Bryndís var á tómstundakvöldi í skólanum í gær og kom heim með þennan líka flotta verkfærakassa sem mun örugglega koma sér vel. Hún er nú að hugsa um að mála hann en er ekki alveg búin að ákveða hvort hún máli hann alveg eða skreyti hann með málningu. Daman var allavegana mjög ánægð með kvöldið og náði auk kassans að búa til lyklakippu og armband úr perlum.

Á gönguskíðum

Á gönguskíðum, originally uploaded by HO Myndir.

þetta eru yngsta og elsta fyrir þá sem ekki þekkja baksvipinn. Miðjan var á blakmóti inn í Osló.

Stilla

Stilla, originally uploaded by HO Myndir.

Jebb, þetta er áin Stilla. Eins gott að maður viti hvar fasta landið er því í fljótu bragði lítur áin út fyrir að vera fínt göngusvæði.

Vetur

Vetur, originally uploaded by HO Myndir.

Vetrarveðrið er búið að vera svipað hjá okkur í öllum janúarmánuði, frost og logn. Og það lítur ekki út fyrir neinar breytingar þar skv langtímaspánni. Þessi mynd er tekin á svæðinu fyrir neðan Oksefjellet sem er í ca 10 mínútna göngufjarlægð heiman frá okkur. Þarna eru akrar á snjólausum dögum en um leið og snjóar nóg eru ruddar brautir fyrir gönguskíðafólk.