Hildur

Írskir dagar

2009-10-04T12:27:00.002+02:00

Ég skrapp í gær á píanótónleika með írska píanósnillingnum John O´Conor sem haldnir voru í Salnum í Kópavogi. Alveg frábærir tónleikar í alla staði og flottari spilun á Tunglskinssónötunni hef ég ekki heyrt áður. Ótrúlegur kraftur í manninum.

Fjárlögin

2009-10-03T00:59:00.003+02:00

Ég rakst á þessa og varð hugsað til nýjustu fjárlagafréttanna.

Upp með munnvikin

2009-09-20T12:09:00.003+02:00

Bara svona til að lyfta munnvikunum á sunnudagsmorgni ...koma svo ;-)

Tær snilld

2009-08-30T01:09:00.002+02:00

Það er reyndar ýmislegt sem hún frænka hefur gert um dagana sem er tær snilld. En þessar húsgagnahosur getum meira segja við sem höfum 10 þumlana búið til. Þið sem hafið keypt álímt tilbúið filt til að setja undir fætur húsgagna sem hreyfast til kannist örugglega við að eftir smá tíma, þá skríður filtið undan húsgagnafótunum. Prjónaðar hosur á húsgögn er málið í dag. Ekki spurning :-)

Könguló

2009-08-29T01:59:00.001+02:00

Könguló, originally uploaded by HO Myndir.

Eitthvað lag var nú til um Kalla litla könguló sem dömurnar mínar sungu í tíma og ótíma hér áður fyrr. Ég er samt viss um að þessi er kelling ... og mikil hannyrðakelling því vefurinn var flottur þótt hann sjáist illa á myndinni.

Góðgæti

2009-08-29T01:53:00.001+02:00

Góðgæti, originally uploaded by HO Myndir.

Við Bryndís mættum þessari í bakgarðinum þegar við komum heim eftir skólasetninguna á mánudeginum og mín hljóp náttúrulega strax inn eftir brauði. Við höfum ekki grænan um hvaðan hún kom enda aldrei komið dúfur í garðinn áður. Giskuðum samt á Laugardalinn. Svo beið dúfan aftur í gær þegar Bryndís kom heim úr skólanum og fékk að sjálfsögðu brauð hjá dömunni líka þá. Mig grunar að næst mæti hún með frændgarðinn sinn í mat og bíð bara eftir að garðurinn fyllist af dúfum ...

Súldarlegt

2009-08-29T01:46:00.001+02:00

Súldarlegt, originally uploaded by HO Myndir.

Það var hálf súldarlegt yfir á síðasta sunnudag. Þessi mynd er tekin úr Esjuhlíðum, en við Kolbrún skruppum í smá göngu.

Shake Me

2009-08-27T19:24:00.003+02:00

Ég ætlaði bara að vekja athygli á að Íslenska Hreyfiþróunarsamsteypan er að fara að sýna nýtt verk nú í september þar sem þær leita að yfirvofandi dauða og ódauðlegri ást í verkum Williams Shakespeare. Sýningarnar verða í Hafnarfjarðarleikhúsinu 3. september kl 20 og 4. september kl 23 og er aðgangur ókeypis. Þær Melkorka Sigríður, Ásgerður, Katrín og Ragnheiður valda örugglega ekki vonbrigðum og því allir hvattir til að mæta sem hafa áhuga á ókeypis skemmtun í kreppunni.

Við stýrið

2009-08-23T14:21:00.001+02:00

Við stýrið, originally uploaded by HO Myndir.

Við mæðgurnar skutumst austur í kot á föstudaginn í smá berjatínsluferð. þegar komið var inn fyrir hliðið fékk daman að stýra og stóð sig bara vel. Ég var á bensíninu og bremsunni, hún með stýrið og í þetta skipti þurfti ég ekkert hjálpa til að halda bílnum á veginum. Enda var ég upptekin að taka myndir og mátti ekkert vera að því :-)

Ég er annars búin að vera hrikalega löt í bloggmálum í sumar og sú leti virðist ekkert vera að skafast af mér. Hef reyndar verið að hugsa um að færa mig yfir á moggabloggið en ég er ekkert viss um að ég verði virkari þar. Held ég haldi mig bara við þetta blogg enn um sinn og haldi áfram að vera löt ;-)

Uppáhalds staðurinn

2009-08-04T23:50:00.001+02:00

Uppáhalds staðurinn, originally uploaded by HO Myndir.

Þetta er minn staður ;-)
Ilmandi mjaðjurt, fuglasöngur og fjallið. Gerist ekki betra. Enda ófá skiptin sem ég hef steinsofnað þarna :-)

Berjatínsla

2009-08-04T23:46:00.001+02:00

Berjatínsla, originally uploaded by HO Myndir.

Hún náði að fylla tvö skyrbox.

Grænjaxlar

2009-08-04T23:43:00.001+02:00

Grænjaxlar, originally uploaded by HO Myndir.

Það voru nokkur blá ber hér og þar en svona 95% var grænt.

Fundur

2009-08-04T23:42:00.001+02:00

Fundur, originally uploaded by HO Myndir.

"Mamma sjáðu hvað ég fann" ... Ég get svo svarið það, að úr nokkurra metra fjarlægð þá sýndist mér hún vera með alvöru gæsahöfuð með hálsi og skildi ekkert í því hvað hún var róleg og brosandi yfir þessu.
Ýmislegt sem rekur á land úr ánni.

Fjölskyldusund

2009-08-04T23:38:00.001+02:00

Fjölskyldusund, originally uploaded by HO Myndir.

Það er ekki oft sem svanir sjást á Hvítánni en þarna var heil fjölskylda á sundi.

Ingólfsfjall

2009-08-04T23:36:00.005+02:00

Ingólfsfjall, originally uploaded by HO Myndir.

Við Hvítá

2009-08-04T23:36:00.003+02:00

Við Hvítá, originally uploaded by HO Myndir.

Búrfell

2009-08-04T23:36:00.001+02:00

Búrfell, originally uploaded by HO Myndir.

Bann

2009-08-04T23:35:00.001+02:00

Bann, originally uploaded by HO Myndir.

Þessi áletrun var á vegg í gömlum timburskúr.

Í nýju hlutverki

2009-08-04T23:33:00.001+02:00

Í nýju hlutverki, originally uploaded by HO Myndir.

Einu sinni var hún mikilvæg í heyskapnum, síðan varð hún vinsæl sem barnaleiktæki og nú er hún komin í nýtt hlutverk sem garðskraut. Það var nefnilega aktívt fólk í fjölskyldunni ásamt vinum sem tók sig til og útbjó flottan garð úr algjörum óræktargarði og náði m.a. að rífa gömlu rakstrarvélina upp þar sem hún var gróin niður í túnið og draga hana yfir í garðinn þar sem hún sómir sér vel.

Þvottur

2009-07-31T23:15:00.001+02:00

Þvottur, originally uploaded by HO Myndir.

Daman ákvað að þvo bílinn og var mjög einbeitt við verkið.

Góðviðri

2009-07-31T23:14:00.001+02:00

Góðviðri, originally uploaded by HO Myndir.

Mmmmm, ég er í 4 daga vaktafríi og við Bryndís erum búnar að vera að dúlla okkur í garðinum í dag. Kolbrún reyndar nýkomin heim úr sinni vinnu þegar þessi mynd var tekin.

Veiði

2009-07-31T23:10:00.001+02:00

Veiði, originally uploaded by HO Myndir.

Veiðistöng var ein af afmælisgjöfunum Bryndísar og á dögunum skellti hún sér í veiði með Hönnu föðursystur sinni og Oddi manninum hennar. Og veiddi þennan gómsæta silung :-)

Röð

2009-07-31T23:07:00.001+02:00

Röð, originally uploaded by HO Myndir.

Á hvað skyldu þær hafa verið að horfa?

Vinkonur

2009-07-31T23:06:00.001+02:00

Vinkonur, originally uploaded by HO Myndir.

Samlokurnar Bryndís og Ragnheiður í Fjölskyldu- og húsdýragarðinum í tilefni af 11 ára afmælinu.

Á nýja hjólinu

2009-07-31T23:03:00.001+02:00

Á nýja hjólinu, originally uploaded by HO Myndir.

Arndís Lóa komin á flottan fararskjóta :-)

Vöxtur

2009-07-31T23:02:00.001+02:00

Vöxtur, originally uploaded by HO Myndir.

Ég skaust austur í kot í júní og kíkti þá m.a inn í gamla gróðurhúsið þar sem minta og gamall vínviður eru búin að yfirtaka allt. Kannski smá grisjun kæmi sér vel.

Klefi nr 306

2009-07-31T22:59:00.002+02:00

Klefi nr 306, originally uploaded by HO Myndir.

Hótelið sem við gistum á nóttina fyrir flug heitir Kasjotten Stav Gjestegård og er gamalt fangelsi sem var seinna breytt í geðdeild og svo í hótel. Við vorum í klefa nr 306 og á hurðunum eru gömlu gægjugötin og matarlúgurnar (reyndar búið að loka fyrir). Ég mæli alveg með þessu hóteli þótt húsið eigi sér erfiða sögu og sögusagnir séu um að fólk sem fallið er frá sé enn á ferli á göngunum. Við sváfum amk vært.

Skrúfað

2009-07-31T22:52:00.001+02:00

Skrúfað, originally uploaded by HO Myndir.

Bryndís og Kolbrún tóku að sér að skrúfa sundur rúm, borð og hillur.

Bø

2009-07-31T22:49:00.001+02:00

Bø, originally uploaded by HO Myndir.

Bö, ég var alveg búin að gleyma skreytingunni sem var inn í fataskápnum mínum út í Noregi þegar ég flutti inn. Einhver húmoristi verið á undan mér og ákveðið að mála þessi skilaboð innan á skápavegginn.

Og jú ég er lifandi. Bara löt í blogginu. Flutningurinn gekk eins og í sögu og við skelltum öllu dótinu okkar í gám daginn fyrir flug, skiluðum af okkur íbúðinni og kláruðum að kveðja nágrannana.
Gistum svo á hóteli sem var einu sinni gamalt fangelsi eina nótt og tókum stefnuna til Ísland daginn eftir.

Á síðustu metrunum

2009-06-17T11:05:00.003+02:00

Á síðustu metrunum, originally uploaded by HO Myndir.

Jæja, nú eru framundan síðustu dagarnir okkar hér í Lilleström og tími kominn til að hefja næsta kafla. Gámurinn kemur á mánudag og flugið er bókað á þriðjudag. Svo nú er að pakka búslóðinni, þrífa, ganga frá banka- og skráningarmálum o.s.frv.

Hrund fer í síðasta prófið á morgunn og Kolbrún á bara einn skóladag eftir og svo er einkunnaafhending á föstudag.
Bryndísar skóli er búinn að vera að mestu eins og venjulega, fyrir utan hálfan dag í náttúruskoðun og hálfan dag á útisundlaugarsvæði (ískaldar laugar í ísköldu veðri). Síðasti kennsludagur er á morgunn en daman er hins vegar búin að vera að tína heim allar vinnubækur vetrarins og líka þessa fínu svuntu sem hún saumaði sér. M.ö.o, klár í lokahreingerninguna á íbúðinni :-)

Þar sem ég er búin að segja upp síma- og nettengingu og þetta er síðasta Noregsbloggið mitt (nema ég flytji aftur hingað), þá er vel við hæfi að setja inn eitt tímamótalag sem er eitt af mínum uppáhalds og sungið af meistara Frank Sinatra.

Útsmoginn þjófur

2009-06-16T08:32:00.002+02:00

Það ótrúlegt hvað þeir sem stunda þjófnaði geta verið útsmognir.
Hrund og Kolbrún ákváðu að skutlast á hjólunum niður á lestarstöð í gær fyrir kl 7 um morguninn og ná í nýbakað brauð. Þær voru örstutt inni, en þegar þær komu út með brauðið þá var búið að stela Kolbrúnar hjóli. Ergilegt því þetta hjól var tiltölulega gott og ekki nema tveggja ára gamalt (keypt þegar fyrra hjóli var stolið í skólanum hennar).

Hrund ákvað að senda Kolbrúnu heim með brauðið og taka einn hring um bæinn á sínu hjóli til að svipat um. Ekki rakst hún á hjólið í bænum, en ákvað samt undir lokin að kíkja á hin hjólastæðasvæðin sem voru í kringum lestar- og strætóstöðina (100 - 200 m frá staðnum þar sem þær höfðu lagt sínum). Og á einu hjólasvæðinu var hjólið hennar Kolbrúnar, lagt í stæði og búið að vefja hjólalásnum hennar utan um dekkið þannig að það liti út fyrir að vera læst. Viðkomandi þjófur var sem sagt greinilega farinn í vinnuna og ætlaði að hafa hjólið þegar hann kæmi til baka. Ansi útsmoginn.

Og þá var ekki um annað að ræða en að bjarga hjólinu, útskýra fyrir tortryggnum vegfarendum að þetta væri hjól systur hennar, og koma hjólinu heim. Að vera einn með tvö hjól er hins vegar meira en að segja það og farsíminn lá náttúrulega og hvíldi sig heima. Hrund er hins vegar ekki þekkt fyrir að gefast upp svona einn, tveir og þrír og með nokkur fleiðursár og mar á höku landaði hún báðum hjólunum heima rétt fyrir kl 8.

Trynevrenger

2009-06-14T19:21:00.002+02:00

Hér er slóð fyrir þá sem hafa gaman af því að breyta andlitum annarra. M.a hægt að snúa svolítið upp Alexander Rybak.

Eldavélin seld ...

2009-06-14T17:38:00.000+02:00

... og einum hlut færra til að bera :-)

Þvottavélin seld

2009-06-12T09:38:00.002+02:00

Ég setti um daginn auglýsingu á netið þar sem ég bauð eldavélina til sölu. Ákvað að byrja á henni áður en ég reyndi með þvottavélina. Og líka það að mig langaði ekkert til að vera þvottavélarlaus í marga daga. En engin viðbrögð við eldavélarauglýsingunni. Svo ég ákvað að vera tímanlega í að setja þvottavélina á sölu úr því að sala á heimilistækjum væri treg.
Ég var varla búin að samþykkja auglýsinguna þegar 4 aðilar voru búnir að lýsa yfir áhuga og vildu fá vélina strax. Ég seldi hana unga manninum sem sagðist koma með pabba sinn með sér til að bera þannig að ég slyppi við að hjálpa. Svo nú er ég þvottavélarlaus og ungarnir eiga bara að vera penir næstu dagana og sneiða hjá pollunum ...

Byrjuð að pakka

2009-06-06T19:01:00.001+02:00

Byrjuð að pakka, originally uploaded by HO Myndir.

Já, nú erum við mægurnar farnar að pakka svolítið og þetta bjútí keyptum við Kolbrún á tilboði í einu af úthverfum Oslóar um síðustu helgi, svona til að auðvelda okkur að flytja heimilistækin ef ekki tekst að selja þau áður. Drösluðum þessari elsku svo upp í strætó og við tók hálftíma ferð í grillandi hita og svo 15 mínútna gangur heim frá strætóstöðinni. Sem sagt búið að auðvelda það að koma heimilistækjunum í gáminn og nú er bara að finna leið til að vera EKKI föst með sófann í dyrunum í korter eins og þegar við fluttum inn.

Lestur

2009-06-03T18:25:00.001+02:00

Lestur, originally uploaded by HO Myndir.

Sú eldri var í próflestri og hinni fannst rúmið hjá stóru systur vera góður staður til að koma sér fyrir með bókina sem hún var að lesa.

Mýbit

2009-06-03T18:18:00.001+02:00

Mýbit, originally uploaded by HO Myndir.

Veðrið um hvítasunnuhelgina var alveg frábært, 25 og sól. Gallinn er reyndar sá að góða veðrinu hérna fylgir mý með tilheyrandi bitum og í þetta skiptið er það Bryndís sem hefur farið verst út úr bitunum.

Nittelva

2009-06-02T16:08:00.001+02:00

Nittelva, originally uploaded by HO Myndir.

Gosbrunnurinn í ánni kominn í gang.

Bátahöfnin í Rælingen

2009-06-02T16:07:00.001+02:00

Bátahöfnin í Rælingen, originally uploaded by HO Myndir.

Það var mikil bátatraffík á ánni í góða veðrinu um helgina.

Grænt

2009-06-02T16:06:00.001+02:00

Grænt, originally uploaded by HO Myndir.

Þetta græna gras er bæjaráin (Nittelva) ef einhverjir skyldu hafa ruglast.

Klár í slaginn

2009-06-02T16:04:00.001+02:00

Klár í slaginn, originally uploaded by HO Myndir.

Með klukku, agat stein og verndarengil um hálsinn og þá er maður ansi vel útbúinn fyrir próf. Amk gekk henni vel :-)

Kjærlighetsvisa

2009-05-30T10:41:00.005+02:00

Norska ríkissjónvarpið sýndi í gær upptöku frá tónleikum Halvdan Sivertsen sem hann hélt í Bodø í fyrrasumar. Mér finnst ríkisstöðin alltaf vera að standa sig betur og betur með efni (eða þá að ég er að eldast) og Halvdan Sivertsen er einn af mínum uppáhalds texta- og lagahöfundum. Hann fór líka á kostum á þessum tónleikum og setti m.a smá rappblöndu inn í tvö laganna. Lokalagið var svo Kjærlighetsvisa sem er eitt af hans fallegri lögum og það var vel tekið undir af áhorfendum.

Það var engin upptaka frá þessum tónleikum inn á youtube en ég fann þó aðra upptöku af lokalaginu.

Og fyrir þá sem vilja spreyta sig á norskunni með Bodø dialekt, þá er textinn hér:

Når sommardagen ligg utover landet
Og du og æ har funne oss ei strand
Og fire kalde pils ligge nedi vannet
Og vi er brun og fin og hand i hand
Når vi har prata om ei bok vi lika
Og alt e bra og ikkje te å tru
Ingen e så god som du, da
Ingen e så god som du

Når høsten finns og hverdagslivet venta
Og fuglan tar te vett og flyr mot sør
Og vi får slit me regninga og renta
Og meininga førsvinn i det vi gjør
Når vi må over mang en liten avgrunn
Og ofte på ei falleferdig bru
Ingen e så god som du, da
Ingen e så god som du

Men av og te når tegnan blir førr tydlig
Og dæm som sitt med makta gjør mæ skræmt
Når de fine ordan demmes blir motbydelig
Og tankan bak e jævli' dårlig gjæmt
Da har æ ei som veit at folk vil våk'n opp
Og at vinden i frå høyre snart må snuI
ngen e så god som du, da
Ingen e så god som du

Og når æ kryp te køys og frys på beina
Og du har lagt dæ før mæ og e varm
Da veit du æ e liten og aleina
Og låne mæ litt dyne og ei arm
Og dagen den er viktig og den krævas
Men natta den e din og min og ny
Ingen e så god som du, da
Ingen e så god som du

Múslíbrauð

2009-05-28T16:59:00.002+02:00

Það er orðið ansi langt síðan ég hef sett uppskriftir inn á bloggið. Bara leti í mér því stelpurnar eru alltaf að finna eitthvað skemmtilegt á netinu sem þær breyta og bæta eftir eigin höfði, því hráefni sem er fáanlegt og náttúrulega fjárhag heimilisins.

Ég bara nýt þess að vera tilraunadýr og er orðin allt of góðu vön. M.ö.o, þá eru dæturnar komnar með það markmið að gera mig aftur sjálfbjarga í eldhúsinu áður en þær flytja að heiman ...

En hér kemur mjög góð uppskrift að múslíbrauði sem hefur slegið í gegn á heimilinu. Apríkósurnar koma rosalega vel út og virka eins og marmelaði þegar brauðið er haft með osti. Upprunalega var þetta bolluuppskrift, en þar sem hún var frekar blaut og leiðinlegt að móta bollur úr henni, þá prófaði Hrund hana einhvern tímann í brauðformum og uppskriftin kom bara miklu betur út þannig.

4 dl undanrenna
5 dl vatn
2 msk matarolía (t.d Isio, hún er bragðlaus)
1 pk þurrger
1 tsk salt
350 gr hveiti
350 gr heilhveiti (grófmalað)
3 dl hafrar
200 gr gróft rúgmjöl
100 gr sólblómafræ (kjarnar)
150 gr heslihnetur
100 gr þurrkaðar apríkósur
150 gr rúsínur

Saxið niður hnetur og apríkósur (Hrund mælir þetta aldrei), blandið öllum hráefnum saman og látið lyfta sér á hlýjum stað í ca 30 mín. setjið svo í formin og látið lyfta sér aftur í ca 45 mín. Bakið við 200 í ca 30 - 40 mín.

Hollt kryddbrauð

2009-05-28T16:49:00.002+02:00

Hrund fann þessa uppskrift um daginn að kryddbrauði og gerði hana svolítið hollari með því að nota mjög fínmalað heilhveiti í hana í stað spelts. Amk nógu holla til að hún varð gjaldgeng með skólanestinu hennar Bryndísar. Okkur Bryndísi finnst hún best eintóm en Hrund og Kolbrúnu fannst hún líka koma vel út með smjöri og osti.
En hér kemur uppskriftin:

6 dl heilhveiti (mjög fínmalað)
6 dl haframjöl
2 dl hrásykur
5 dl léttmjólk
4 tsk sódaduft (natron)
1 tsk kanill
1 tsk engifer
1 tsk negull

Blanda saman, setja í tvö form og baka við 175 gráður í 1 klst.

Verkfall

2009-05-27T10:26:00.002+02:00

Verkfallið sem átti að hefjast í skólunum hjá okkur kl 06 í morgunn var frestað á elleftu stundu í nótt og sú yngsta var ekki hrifin þegar hún var vakin kl 07, enda búin að hlakka til að eyða deginum í huggulegheitum..

Það ber þó enn þá mikið í milli hjá deiluaðilum og mögulega gæti verkfallið hafist á morgunn. Ég vona þó ekki þar sem það getur komið illa niður á prófunum hjá Hrund og Kolbrúnu og sett einkunnir og útskrift í hættu og þar af leiðandi inntöku í skóla á Íslandi.

Einelti

2009-05-26T09:50:00.002+02:00

"Everyone has the right to be respected, and the responsibility to respect others."

Ég rakst á þessa setningu inn á norskum facebókar hópi sem ég skráði mig í gegn einelti í skólum.
Því má bæta við að skýringarnar á orðinu "responsibility" eru þær að fólk hefur "the ability to choose their own respons" eða með öðrum orðum þá hefur fólk getuna til að velja viðbrögð sín.

Einelti er því miður alvarlegt vandamál í skólum og alls ekki nýtt af nálinni. Í dag er munurinn bara sá að það er til orð yfir þessa tegund ofbeldis og flestir skólar hafa yfirlýst markmið um að einelti verði ekki liðið.

Það er þó mjög misjafnt eftir skólum og kennurum hvernig tekst til og flestir vita að það er ekki nóg að hafa háleit markmið, ef það er hvorki til vinnuáætlun um hvernig eigi að útfæra markmiðin, né að skólastjórnendur, kennarar og foreldrar séu í raun og veru mótiveraðir til að taka á málum af alvöru.

Vigernes skóli er einn af þessum skólum sem hefur það yfirlýsta markmið að einelti verði ekki liðið og öllum nemendum eigi að líða vel í skólanum. Gallinn er hins vegar að þar er engin sérstök áætlun í gangi um hvernig eigi að útfæra þessi markmið og undir hverjum og einum kennara komið hvernig hann tekur á málunum.

Einelti hefur því miður verið vandamál sem hefur loðað við bekkinn hennar Bryndísar undanfarin ár. Þar er ákveðinn stelpnahópur að verki og reglulega hefur þurft að taka á þessum málum, skýra mörkin og hafa umræðutíma í bekknum þar sem líðan og framkoma við aðra er rædd.

Og það er einmitt þarna sem áhugi og virkni kennara hefur svo mikil áhrif. Síðustu árin hefur bekkurinn hennar Bryndísar verið með mjög ákveðinn kennara sem hefur verið virkur í að fyrirbyggja einelti í bekknum með ýmsum ráðum ... og allt á jákvæðan hátt þannig að enginn tapi. Síðastliðinn vetur var svo skipt um kennara sem kom með allt aðrar áherslur og eineltið fór stigversnandi .

Á Íslandi eru nokkrir skólar sem eru farnir að vinna eftir Olweus áætluninni og Olweus á Íslandi er með fróðlega síðu sem ég hvet alla til að kíkja á og á síðunni er m.a góð grein fyrir foreldra sem vilja hafa sín augu opin fyrir þessu vandamáli. En það er með eineltið eins og svo margt annað, að forvarnirnar eru alltaf bestar og þar geta kennarar átt stóran þátt. Bestu forvarnirnar byrja þó heima fyrir og í raun löngu áður en skólaganga hefst.

Stilla

2009-05-25T19:05:00.001+02:00

Stilla, originally uploaded by HO Myndir.

Leikur

2009-05-25T19:04:00.001+02:00

Leikur, originally uploaded by HO Myndir.

Ég held hún hafi verið að stjórna hljómsveit.

Í átt að Oksefjellet

2009-05-25T19:01:00.001+02:00

Í átt að Oksefjellet, originally uploaded by HO Myndir.

Þessi mynd er tekin yfir ána Stillu og í átt að Uxafjallinu sem er við Sørensgård.

Stefnt á næstu hindrun

2009-05-25T18:59:00.001+02:00

Stefnt á næstu hindrun, originally uploaded by HO Myndir.

það var keppni í hindrunarhlaupi á Sørensgård um daginn og við Bryndís kíktum aðeins á þetta þar sem við vorum hvort sem er á svæðinu.

Stopp

2009-05-25T18:58:00.001+02:00

Stopp, originally uploaded by HO Myndir.

Hrossið ætlaði sko ekki yfir þessa hindrun, enda þurfti það fyrst að fara ofan í ískalt vatn og stökkva svo yfir hindrunina. Tók smá tíma fyrir knapann, en hafðist að lokum.

Staurar

2009-05-23T19:43:00.001+02:00

Staurar, originally uploaded by HO Myndir.

þessir staurar eru út um allt í ánni, bæði nokkrir saman í hnapp og í beinni línu í miðri á. Ég hef aldrei skilið tilganginn, en ef einhver hefur hugmynd, þá er skýring vel þegin.

Nittelva

2009-05-23T19:41:00.003+02:00

Nittelva, originally uploaded by HO Myndir.

Vöndur

2009-05-23T19:41:00.001+02:00

Vöndur, originally uploaded by HO Myndir.

Hún var að týna handa Hrund.

Veiðigræjur

2009-05-23T19:40:00.001+02:00

Veiðigræjur, originally uploaded by HO Myndir.

Það er mjög vinsælt að bleyta í stöngum við Nittelva og maísinn alltaf klassískur til að þræða upp á öngulinn. Þarna hafði einhver ákveðið að skilja dósina eftir á trénu ... kannski til að muna hvar veiðistaðurinn var.

Í átt að Rælingen

2009-05-23T19:37:00.001+02:00

Í átt að Rælingen, originally uploaded by HO Myndir.

Þessi mynd var tekin við Nittelva um kvöldmatarleytið.

Búinn að fá nóg af bílnum

2009-05-23T19:36:00.001+02:00

Búinn að fá nóg af bílnum, originally uploaded by HO Myndir.

Við Bryndís vorum á göngu um daginn og rákumst þá á þennan bíl sem var ofan í ruslagámi. Spurning hvort eigandinn hafi verið búinn að fá nóg.

Speglun

2009-05-22T09:48:00.001+02:00

Speglun, originally uploaded by HO Myndir.

Holmen Naturreservat

2009-05-22T09:40:00.002+02:00

Holmen Naturreservat, originally uploaded by HO Myndir.

Við Bryndís fórum í langa göngu í gær, þar sem hún vildi sýna mér svæði sem hún fór á með skólanum í vikunni og úr varð 3ja klst löng ganga. Inngangurinn inn á þetta svæði er mjög vel falinn og ég er oft búin að labba þarna fram hjá en aldrei tekið eftir honum.
Svæðið heitir Holmen Naturreservat og er verndað skógarsvæði, þannig að hvorki má planta nýjum plöntum eða trjám eða tína eða höggva neitt, eða flytja burtu. Svo við mæðgurnar stikluðum yfir ótal fallna og morknaða trjáboli, og ruddumst í gegnum kóngulóarvefi og ský af mýflugum (og ég slapp með bara eitt bit) og eftir ca hálftíma vorum við komnar út á akur.

Á réttri leið

2009-05-22T09:31:00.001+02:00

Á réttri leið, originally uploaded by HO Myndir.

Við og við voru merkt tré, þannig að við vissum að við værum á réttri leið.

Hreiður

2009-05-22T09:30:00.001+02:00

Hreiður, originally uploaded by HO Myndir.

Við fundum gamalt hreiður á leiðinni.

Hrund russ

2009-05-20T15:02:00.001+02:00

Hrund russ, originally uploaded by HO Myndir.

Þó ég hafi ekki náð að mæta til að horfa á mína í russegöngunni á 17.maí, þá tókst mér að næla mér í mynd, þökk sé facebook og bekkjarbróður Hrundar sem tók myndina :-)

Rybak

2009-05-19T15:40:00.002+02:00

Það voru aldeilis móttökur sem strákurinn fékk á Gardermoen á sunnudagskvöldið. Þeir fengu líka létt sjokk forsvarsmenn flugvallarins þegar Rybak bauð fólki í beinni útsendingu að taka á móti sér á flugvellinum og öll öryggisgæsla var hert til muna. Ekki veitti af því um 1000 skrækjandi aðdáendur voru mættir og komnir í biðstöðu löngu áður en vélin lenti og sumir komnir langt að.

Móttökurnar á flugvellinum urðu til þess að skipuleggendur bæjarhátíðarinnar hér í Lilleström verða að enduskipuleggja planið því Rybak átti að syngja á torginu í miðbænum 20.júní. Hátíðin er árleg, algjör menningarveisla með fullt af skemmtilegum uppákomum og búið var að plana komu Rybak fyrir mörgum mánuðum. En nú verða menn að finna öruggari stað fyrir strákinn og hefur íþróttahúsið m.a. verið nefnt. Við Bryndís munum alla vegana athuga hvort það verði pláss fyrir okkur á áhorfendapöllunum. Ekki spurning þegar íþróttahúsið er í göngufæri.

Norge i Rødt, Hvitt og Blått

2009-05-17T20:06:00.002+02:00

Hvor hen du går i li og fjell, en vinterdag,
en sommerkveld ved fjord og fossevell,
fra eng og mo med furutrær, fra havets
bryn med fiskevær og til de hvite skjær,
møter du landet i trefarvet drakt
svøpt i et gjenskinn av flaggets farveprakt.
Se en hvitstammet bjerk opp i heien
rammer stripen av blåklokker inn
mot den rødmalte stuen ved veien,
det er flagget som vaier i vind.
Ja, så hvit som det hvite er sneen,
og det røde har kveldssolen fått,
og det blå gav sin farve til breen,
det er Norge i rødt, hvitt og blått.

Já, það var mikil hamingja hjá norðmönnum í dag og skemmtilegt að sigurinn í Eurovision skyldi renna saman við þjóðhátíðardaginn þeirra.
Veðrið var líka frábært, 17 gráður og sól og það var svo til allur bærinn úti við í dag. Allt annað en fyrir ári síðan þegar norðmenn fengu versta 17 mai veður í 50 ára sögu landsins.

Dagurinn var hefðbundinn og það var mæting hjá okkur Bryndísi kl 9:30 út í Vigernes skóla. Þar fann hver nemandi sinn bekk og hver bekkur var með sinn bekkjarfána eins og venjulega. Gangan hófst kl 10 og það var þrammað niður í miðbæ, þar sem Volla barnaskólinn bættist í gönguna og Kjellervolla ungdomsskole. Svo fóru allir skólarnir annan hring um bæinn og m.a fram hjá elliheimilinu svo heimilismenn þar gætu horft á gönguna. Við Kolbrún létum hins vegar fara vel um okkur á torginu í miðbænum á meðan, vitandi að gangan myndi aftur enda þar.

Klukkan tvö héldu hátíðahöldin áfram út í Vigernesskóla og með ýmsum heimatilbúnum leikjum, þrautum og veitingasölu. Bryndís tók þátt í þrautunum eins og venjulega og þar sem foreldrar í 5-C (Bryndísar bekkur) átti að sjá um veitingasöluna í þetta skiptið, þá kom það í minn hlut ásamt fleirum að afgreiða pylsur, gos, ís og kökur.

Hrund byrjaði daginn eldsnemma og var farin út kl 7:30 þar sem hún var boðin í morgunverð til skólasystur sinnar. 17. mai er nefnilega dagurinn sem sem russetímabilinu lýkur með "russelest" (bæði bílar og gangandi) útskriftarnema allra skólanna í Lilleström og næstu nágrannabæjum. Sem sagt síðasti dagurinn sem Hrund þarf að vera í russebuxunum og síðasti sjens hjá Bryndísi að næla sér í russekort.

Bekkjarfáninn

2009-05-17T20:04:00.001+02:00

Bekkjarfáninn, originally uploaded by HO Myndir.

Kjellervolla Ungdomskole

2009-05-17T20:03:00.001+02:00

Kjellervolla Ungdomskole, originally uploaded by HO Myndir.

Útskriftanemarnir frá Kjellervolla Ungdomskole voru með sína eigin rokksveit.

Blöðrur

2009-05-17T20:01:00.003+02:00

Blöðrur, originally uploaded by HO Myndir.

Sölumennirnir voru á sínum stað.

Flottur

2009-05-17T20:01:00.001+02:00

Flottur, originally uploaded by HO Myndir.

Þessi var flottur. Það var hreinlega ekki hægt að sleppa því að taka mynd af honum.

Þrammað

2009-05-17T20:00:00.001+02:00

Þrammað, originally uploaded by HO Myndir.

Það var hraði á göngunni, þó ekki eins og í fyrra þegar göngufólkið hreinlega hljóp áfram til að klára þetta sem fyrst í rigningunni.

Í göngubyrjun

2009-05-17T19:57:00.001+02:00

Í göngubyrjun, originally uploaded by HO Myndir.

Bryndís byrjaði með bekkjarflaggið og svo skiptust þau á að bera það í göngunni.

Lúðrasveitin

2009-05-17T19:55:00.001+02:00

Lúðrasveitin, originally uploaded by HO Myndir.

Í fyrra var lúðrasveitin rækilega pökkuð í regnagalla utan yfir búninginn en nú var veðrið flott.

Upp með flöggin

2009-05-17T19:54:00.001+02:00

Upp með flöggin, originally uploaded by HO Myndir.

Það var mæting úti í Vigernes skóla kl 9:30 eins og venjulega. Það fer svona hálftími í að koma öllum á réttan stað undir tilheyrandi ræðum og söng og svo er haldið af stað í gönguna.

Og það er Eurovision ...

2009-05-16T16:13:00.002+02:00

Enn og aftur komin Eurovision eða Melodi Grand Prix eins og norðmenn kalla keppnina. Og í ár binda norðmenn miklar vonir við það að vinna út á Alexander Rybak sem fluttist til Noregs frá Hvíta Rússlandi nokkurra ára gamall. Ég sá reyndar þátt í gærkvöldi með honum og Elisabetu Andreason úr Bobbysocks, þar sem hún söng norsk og sænsk þjóðlög og Alexander spilaði undir á fiðluna. Rosalega flott hjá þeim.

En við í familien Ólafsdóttir munum að sjálfsögðu nota tækifærið og kjósa Jóhönnu Guðrúnu í kvöld. Og vonumst um leið til að lesendur bloggsins muni gefa von "okkar norðmanna" sitt atkvæði.

Arnarhreiður

2009-05-16T16:07:00.002+02:00

Fyrir þá sem hefðu gaman af því að fylgjast með arnarhreiðri í beinni útsendingu, þá fann ég skemmtilega slóð inn á síðunni hjá Hörpu frænku.

Tattú

2009-05-11T19:55:00.001+02:00

Tattú, originally uploaded by HO Myndir.

Þegar maður á litlar systur, þá fá fæturnir stundum svona útlit.

Bleikt

2009-05-09T17:05:00.001+02:00

Bleikt, originally uploaded by HO Myndir.

Ég verð eiginlega að fara að redda mér ferðahandbók í jurtum og trjám. Mér finnst stundum hrikalega óþolandi að vita ekki hvað tegundirnar heita.

Aðstoð

2009-05-09T17:03:00.001+02:00

Aðstoð, originally uploaded by HO Myndir.

Kannski gott að þiggja smá aðstoð.

Fleki

2009-05-09T17:01:00.004+02:00

Fleki, originally uploaded by HO Myndir.

Þessi fleki varð á vegi okkar í dag og varð tilefni gamallar sögu af Hrund og vinkonu hennar þegar þær voru litlar. Það er nefnilega ýmislegt sem mamman fréttir mörgum árum seinna. Ýmislegt sem hún hefði sett blátt bann við á sínum tíma.

En málið var að dömurnar fundu fleka í sveitinni (kotinu) svipaðan þessum og ákváðu að hann myndi henta mjög vel til að sigla á niður Hvítá ef þær bara myndu laga hann svolítið til með nokkrum aukaspýtum fyrir ferðina.

þegar þær voru hins vegar búnar að dunda sér við að negla auka spýtur á flekann, þá voru þær orðnar svangar og ákváðu að hlaupa heim í hús og fá sér að borða í stað þess að sigla á flekanum.
Það voru því svangir magar sem gengdu hlutverki verndara í það skiptið.

Og upp nú

2009-05-09T17:01:00.003+02:00

Og upp nú, originally uploaded by HO Myndir.

þetta er allt að koma.

Medusa

2009-05-09T16:52:00.001+02:00

Medusa, originally uploaded by HO Myndir.

Stelpunum fannst þessi planta svo lík Medúsu, norninni úr grísku goðafræðinni sem var með lifandi snáka í stað hárs.

"Út í óvissuna"

2009-05-09T16:50:00.001+02:00

"Út í óvissuna", originally uploaded by HO Myndir.

Við fundum nýjan skógarstíg í dag og lögðum að sjálfsögðu í leiðangur. Við settum bara niður brauðmola með vissu millibili til að rata til baka ...

Tegund?

2009-05-09T16:47:00.001+02:00

Tegund?, originally uploaded by HO Myndir.

Mig vantar stundum garðyrkjufræðing með mér í skoðunarferðirnar.

Flækja

2009-05-09T16:45:00.001+02:00

Flækja, originally uploaded by HO Myndir.

Blómaskoðun

2009-05-09T16:44:00.003+02:00

Blómaskoðun, originally uploaded by HO Myndir.

Hver gengur yfir brúna mína?

2009-05-09T16:44:00.001+02:00

Hver gengur yfir brúna mína?, originally uploaded by HO Myndir.

Hrund og Bryndís fóru fyrstar og sögðu tröllinu undir brúnni að éta þær ekki því mamma þeirra kæmi á eftir og hún væri miklu stærri og feitari ...

Mannabústaður?

2009-05-09T16:42:00.001+02:00

Mannabústaður?, originally uploaded by HO Myndir.

Þessi kofi stóð við ána Leiru og var vægast sagt óhrjálegur og fullur af alls konar drasli.

Leira

2009-05-09T16:40:00.001+02:00

Leira, originally uploaded by HO Myndir.

Stilla

2009-05-09T16:39:00.001+02:00

Stilla, originally uploaded by HO Myndir.

Áin Stilla var svolítið þurr í dag, svo ekki sé meira sagt.

Jafnvægi

2009-05-09T16:38:00.001+02:00

Jafnvægi, originally uploaded by HO Myndir.

Þessi trjábolur er reyndar ætlaður fyrir hesta til að stökkva yfir en það má alveg nota hann í fleira.

Litkrítaárstíðin

2009-05-09T16:36:00.001+02:00

Litkrítaárstíðin, originally uploaded by HO Myndir.

Innkeyrslan er voða fín núna :o)

Russekort

2009-05-07T11:15:00.001+02:00

Russekort, originally uploaded by HO Myndir.

Fyrir þá sem hafa velt því fyrir sér hvernig russekort líta út, þá er hér mynd af nokkrum. Rauði liturinn er fyrir almennt stúdentspróf, sá svarti stendur fyrir einhverja byggingalínu og blái veit ég ekki hvað er. Græni liturinn stendur fyrir einhverja umhverfislínu og er mjög sjaldgæfur en Hrund tók samt að sér að redda tveimur slíkum kortum fyrir systur sína á Lillehammermótinu um síðustu helgi.

Og fyrir þá sem eru með stækkunarglerið klárt eða hafa gaman af því að rýna vel í myndir, þá er Hrundar kort á milli tveggja grænna :-)

Fagráðherra áfram! Petition

2009-05-06T19:02:00.001+02:00

Þetta fékk ég í pósti í dag og skrifaði að sjálfsögðu undir enda vil ég sjá faglega hæft fólk við það að taka mikilvægar ákvarðanir fyrir mína hönd og barnanna minna.

Textinn er svona:
"Til: Tilvonandi ríkisstjórnar Íslands
Við undirrituð skorum á væntanlega ríkisstjórn Samfylkingarinnar og Vinstri grænna að ráða fagráðherra í nýja ríkisstjórn, líkt og gert var í lok janúar. Við teljum mikilvægt að á tímum sem þessum, sé faglega hæft fólk skipað í efstu þrep stjórnsýslunnar, sem stendur utan við pólitískt karp, hrossakaup og framapot innan flokks. Einnig er mikilvægt að reyna að skapa eins mikla sátt um nýja stjórn og mögulegt er."

Ef þið eruð sammála, smellið þá á slóðina fyrir neðan og skrifið undir:

Fagráðherra áfram! Petition

Leonard Cohen - Alltaf góður

2009-05-03T11:08:00.002+02:00

Norska ríkissjónvarpið sýndi upptöku af tónleikum Leonard Cohen að kvöldi 1.mai sem tekin var í London í fyrra. Cohen sá ég fyrst í Laugardalshöllinni á menningarhátíð fyrir rúmum 20 árum og hann var flottur þar. Og hann hafði svo sannarlega engu gleymt í London, 74 ára gamall með úrvals tónlistarfólk með sér og alla bestu molana sína á dagskránni :-)

Kan jeg få Russekort?

2009-05-01T20:02:00.001+02:00

Kan jeg få Russekort?, originally uploaded by HO Myndir.

Algengasta spurningin sem útskriftarnemarnir fá á russetímabilinu.

Á göngugötunni í miðbænum

2009-05-01T20:00:00.001+02:00

Á göngugötunni í miðbænum, originally uploaded by HO Myndir.

Hrund var á leið til Lillehammer á Russeútihátíð þannig að við vorum í samfloti gegnum bæinn.

Við Nittelva

2009-05-01T19:55:00.001+02:00

Við Nittelva, originally uploaded by HO Myndir.

Á stígnum við ána

2009-05-01T19:54:00.003+02:00

Á stígnum við ána, originally uploaded by HO Myndir.

Og bakið á Kolbrúnu

Með veiðigræurnar

2009-05-01T19:54:00.001+02:00

Með veiðigræurnar, originally uploaded by HO Myndir.

Um leið og fer að vora, þá mæta menn með veiðigræurnar og stólana. Ég held það sé Gedda (Gjedde) sem veiðist þarna.

Við Nittelva

2009-05-01T19:49:00.003+02:00

Við Nittelva, originally uploaded by HO Myndir.

Kolbrún

2009-05-01T19:49:00.001+02:00

Kolbrún, originally uploaded by HO Myndir.

Það er ekki oft sem ég næ henni á mynd.